Isang linggo akong walang magawa,
Nakadungaw lamang sa bintana,
Magdamag na lang nakatunganga
At inuubos ang oras sa wala.
Sa isang linggo aking napagtanto,
Kung ako’y lagi na lang ganito,
Marahil ay hindi na isang milagro
Kung katawa’y tuluyang lumobo.
Buong isang linggo ring naisipan
Magtrabaho, umasikaso nang minsan
Ngunit gawai’y tanging pinagmasdan
Nang muling maghari ang katamaran.
Isang linggo nga ba’y nauwi sa wala,
Teka nga muna, hindi naman yata,
‘Pagkat aking kwarto ay sinala
Nang dumi’y maglaho parang bula.
At di rin ba iyon ang isang linggo,
Kung saan isang panulat ay kinuha ko,
Gayundin ang isang lumang kwaderno
At aking nalikha ang abang tulang ito.
Aba't galing ng pagkakagawa ng tulang ito, Kuya Worthy! :) Di nasayang yung isang linggo mo dahil nakagpagsulat ka ng tulang tulad nito. Hehe.
ReplyDeletedude... if you're that bored, then write stories for our challenge..
ReplyDeletetsk tsk tsk... sabi na eh yun ang magiging reaction mo... don't worry I've been scribbling around... wala pa nga lang natatapos kasi mabilis magbago utak ko... ehehehe
ReplyDeletehahaha.. ako rin nga. i almost had one... kaso wala kuryente at lowbat yung laptop ko so hindi ko natype agad... ngayon ewan ko na. hahaha
ReplyDelete